Аудиокнига - Mirdadın kitabı

Livan ədəbiyyatının klassiki Mixail Naymaya məxsus Mirdadın kitabı sığınacaq axtaranlar üçün bir limandır. Çox sayda oxucunun qəlbinə toxunan bu möhtəşəm hekayə, yeni nəsillərə bir insanın şüurunu genişləndirmək və içində olanları ortaya qoymağın necə mümkün olduğunu göstərir. Kitab əsasən Mirdad və onun tələbələri arasında dialoqlardan ibarətdir. İyirminci əsrin aydınlarından olan Oşo bu kitab haqqında belə deyir: «„Mirdadın kitabı“» mənim ən sevimli kitablarımdandır. Bu əbədiyaşar kitablar sırasına daxildir. Əgər mən ən dəyərli kitabların siyahısı tərtib edəsi olsam, o zaman bu kitabı siyahıda birinci qeyd edərəm””. «„Mirdadın kitabı“» 1948-ci ildə Livanda çap olunub. Kitab Nuh peyğəmbərin gəmisinin seldən sonra gəlib çatdığı quru ərazisində tikib yaratdığı məbəd və bu məbədə qonaq gələn əsrarəngiz ustad haqqındadır. Mahiyyət etibariylə kitab insanın Allahla olan ruhi əlaqələrindən bəhs edir. Oşo deyir: «„Bu kitaba kim ki həyat bəxş edib, sözlərimə diqqətlə fikir verin, mən demirəm ki, kim ki yazıb, adi insan deyil, heç kimdi. Bunu edən şəxs sadə yazıçı deyil. Bircə bu kitab nəhəng təcrübələrdən ibarətdir. Həmin insanın adı Mikayıl Naymadır.“» Mirdadın kitabı insanın ruhi yola başlamasının təsviri ilə başlayır. Mərhələ-mərhələ aşılan cismani maneələrdən sonra müdriklik yolu başlayır. Bu müdriklik yolu Nuh peyğəmbərin məbədə çevrilmiş gəmisinə gətirib çıxarır. Burada rahiblər və bu rahiblərə unudulmuşları xatırlatmağa gəlmiş böyük ustadı görürük. Onların fikirləri və bir-birilərinə olan münasibəti bizə bəşəri problemləri bircə-bircə təqdim edib izah edir.